موقع كلية طب بيطرى مشتهر- جامعة بنها
زيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


موقع كلية طب بيطرى مشتهر- جامعة بنها
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 rumenotomy

اذهب الى الأسفل 
كاتب الموضوعرسالة
Mahmoud Ȝamer
ADMIN
ADMIN
avatar

ذكر
عدد الرسائل : 510
العمر : 28
نقاط : 1137
السٌّمعَة : 61
تاريخ التسجيل : 21/11/2008

مُساهمةموضوع: rumenotomy   الإثنين أكتوبر 25, 2010 10:09 pm

كيف تتم عمليه فتح الكرش فى الحيوانات الكبيره والصغيره.

اولا قبل البدء فى شرح العمليه احب اوضح شويه ملحوظات مهمه جدا .
1- العمليه فى الابقار والجاموس زيها زى الماعز والاغنام بس الفرق فى الجرعات المستخدمه وطول الفتح الجراحى.
2- احنا علشان نفتح التجويف البطنى عامه لمرض معين او لفحص الاعضاء
الموجوده فى التجويف البطنى لازم نعمل عمليه اسمها laboratomy او عمليه
فتح طبقات البطن ودى فى اى عمليه بتضم فتح التجويف البطنى مثل القيصريه
وعمليات الفحص الداخلى للاعضاء او ازاله الطحال او عمل خياطه للمثانه
البوليه عند انفجارها وهكذا.

3- خطوات عمليه ال laboratomy هزكرها ضمن عمليه فتح الكرش.
والان نروح نشوف العمليه تتعمل ازاى . ( انا ان شاء الله هنقلكم الصوره زى
ما بتحصل بالظبط لانى مش بصور الحالات وان كنتم تريدون مصدر فيديو فهو
متوفر بالموقع لكن فيه حاجات الكامرا ما ينفعش تجبها زى الخياطه
والتحزيرات المفروضه اثناء وبعد وقبل العمليه)

***** خطوات العمليه ( يا ريت التخيل لانى هوصفها بالظبط)
1- الحيوان لو جسمه ضعيف بنعلقله محلول جلكوز فى الوريد وبيكون واحد عامل
او اى شخص واقف وماسك المحلول . لكن لو الحيوان جسمه كويس ما فيش محلول.

2- الحيوان واقف اهو وبتخلى العامل اللى معاك يحلق فى مكان العمليه اللى هو فين بقى ؟
مكان العمليه هو مثلث الرعب ( انا مسميه كدا) واقصد بيه المنطقه اللى
بتسمع منها صوت الكرش فى الناحيه الشمال .(hunger fossa)> وبعد الحلق
يطهر المكان ببيتادين .

3- بنبدا نخدر الحيوان . فين التخدير بقى؟
التخدير فيه طرقتين . اول طريقه انك بتخدر على شكل حرف L مقلوبه وده بيتم
على بعد خمسه سم ورا اخر ضلع وخمسه سم تحت ال transverse process of
lumbar vertebrate فى الاماكن دى بنحقن بالطول والعرض . يعنى تحت البروزات
بتاعه الفقرات بخمسه سم نحقن على نفس اتجاه الحيوان ونحقن باى مخدر موضعى
زى الليدوكاين 20 مل . بتحقن 15 مل فى العضلات تحت و5 مل فى الجلد وتحت
الجلد . وبتعمل نفس الكلام على بعد خمسه سم من اخر ضلع . لكن الحقن هيكون
عمودى على اتجاه الحيوان وكدا نكون حرف ال L المقلوبه.

تانى طريقه بتسمى paravertebral يعنى جنب العمود الفقرى ودى بنحقن بين اخر
ضلع واول بروز فقرى وبنحقن برده بين اول بروز وتانى بروز وبين تانى بروز
وتالت بروز . وبرده تحقن من فوق وبعدين تنزل للداخل علشان نخدر الفروع
العليا والسفلى للاعصاب بنفس الجرعه السابقه.

4- ننتظر 10 دقايق لتتم عمليه التخدير.

5- نجهز قطعه قماش بها فتحه على شكل مستطيل وذلك لوضعها حول الجرح اللى هيتعمل علشان نحمى من التلوث.

6- نبدا بمشرط حاد نفتح فى منتصف المسافه بين عظمه الحوض وبين اخر ضلع
وبيكون قريب اكتر من اخر ضلع والفتح من اعلى لاسفل . وهنا تبدا عمليه ال
laporatomy اللى قلناها . وبنفتح اربعه طبقات هما كلاتى.( الفتح تقريبا 30
سم)

* الجلد
* تحت الجلد
*العضلات البطنيه ودى طبقتين عضلات مائله ( خارجيه وداخليه) وعضلات عرضيه.
*
* البريتونيم ( او الغشاء البريتونى)

ملحوظه. ما تخافش من اى دم هينزل عادى باى ماسك شريان امسكه .

7- بعد عمليه ال laporatomy يبقى بقيلنا الكرش . وهنا المهم اوى انى قبل
ما افتح الكرش لازم احافظ على انه ما فيش اى محتويات من الكرش هتدخل
التجويف البطنى لما هنفتح.وعلشان كدا ممكن نستخدم طرقتين.

* الطريقه الاولى نستخدم جهاز الكرش اللى بيتكون من 6 مشابك ومستطيل معدنى لكن ما يهمنيش اوى الجهاز ده وافضل الطريقه التانيه.

* الطريقه التانيه انى بخيط الكرش بكل الطبقات اللى فتحناها ودى بتتم
كالاتى . من اعلى الجرح اللى احنا فتحناه بندخل غرزه خياطه ونعمل عقده بين
الكرش وكل الطبقات اللى فتحناها وبعد كدا نخيط لتحت محتويين الكرش
والطبقات ولما نوصل لاخر الجرح من تحت نلف بالخيط لاعلى تانى من ناحيه
الجرح التانيه وبكدا نبقى خيطنا الكرش مع كل الطبقات وقفلنا التجويف
البطنى خالص.وانا بفضل الطريقه دى لانها بتمنع اى حاجه تدخل التجويف
البطنى. وكمان ممكن ما يكنش معاك الجهاز.

8- بكدا الكرش بقى مشدود ومعلق مع الطبقات . وهنا ابدا افتح فى الكرش فى المسافه بين طرفى الجرح .
9- بفتح الكرش وببدا اطلع حوالى ثلثى محتواه وادور بقى على اللى انا عاوزه
ان كان مسمار ولا اكياس نايلون ولا اى شى. وبعد ما اخلص بحث اكون مجهز نص
شكاره تبن تقريبا واحطها فى الكرش تانى علشان الحيوان ما يحسش ان كرشه
فاضى هيحصله صدمه ويطب ساكت.

10- الحمد لله خلصنا باقى نقفل البوابه اللى احنا فتحناها دى .

11- نغسل كويس الجرح من اى حاجه بميه عاديه معقمه ونبدا نفك الخياطه اللى احنا عملناها علشان نبدا نخيط الكرش .

12- نتاكد ان ما فيش حاجه نزلت فى التجويف البطنى ولو لقينا نشلها .
13- نخيط الكرش بطريقه خياطه اسمها connel suture ودى بتبقى ازاى؟
بنعمل غر زه البدايه عادى من اعلى جرح الكرش وبعد كدا من احد الجوانب ندخل
الابره فى الكرش من الخارج للداخل ثم نطلعها للخارج فى نفس الجنب وبعدين
نعدى الخيط بالابره فى الناحيه التانيه من فتحه الكرش وندخل الابره من
الخارج للداخل ثم نطلع بيها تانى ونروح بالخبط والابره للناحيه التانيه
ونعمل نفس الموضوع لحايه اخر غرزه ونقفلها . هتلاقى ان طرفى جرح الكرش
بقوا لداخل الكرش مش للخارج زى ما يكون فى خياطه الجلد. ولازم نخيط الكرش
على طبقتين مش طبقه واحده.

14- نرش مضاد حيوى على الخياطه يحتوى بنسلين زى الفيتروسين او الستريبتوبنسيد.
15-
نبدا ننضف الكرش من الخارج فوطه مبلوله بميه معقمه.

16- نخيط الغشاء البريتونى مع طبقه العضلات الاولى خياطه عاديه مستمره زى خياطه الملابس.
17- نخيط الطبقه التانيه من العضلات مع طبقه العضلات المتبقيه بنفس الطريقه
18-نخيط تحت الجلد بنفس الطريقه.

كل الخياطات اللى فاتت ب cat gut

18- نخيط الجلد بسلك غرزه غرزه وليس مستمر.
وكل الخياطات اللى فاتت تكون من اسفل لاعلى ما عدا الكرش وده علشان نسيب
جزء مفتوح من اعلى بعد كل خياطه علشان نرش المضاد الحيوى اللى هينزل احسن
من اعلى لاسفل .

19- ننضف الجلد من الخارج ببيتادين مخفف .
20- نعطى مضاد حيوى عضل زى الفيتروسين 2 زجاجه كل زجاجه تحلها فى 8 سم ميه وتتعطى زجاجتين فى الصبح واتنين فى الليل لمده 3 ايام .

وكدا الحمد لله انتهت العمليه ........ ويا ريت تخفف الاكل على الحيوان او اديله حاجات سهله الهضم .

ارجو انها تكون موفيه بس انا نقلتها وكانى بعملها دلوقتى . واى خطا كتابى فده للسرعه واعزرونى عليه.وشكرا

ملحوظه مهمه جدا: فى الحيوانات الصغيره زى كدا بس انت بقى بنظرتك حدد طول
الجرح اللى هتعمله علشان الحيوان الصغير غير الكبير .وكمان جرعات الادويه









اللهم لك الحمد كما ينبغي لجلال و جهك و عظيم سلطانك
all praise be to Allah as is due to the magnificence of his goodness and the enormity of his powers

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://future-benhavet.ibda3.org
 
rumenotomy
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع كلية طب بيطرى مشتهر- جامعة بنها  :: εïз¦[الســـــــــــــــاحة البيطريه]¦εïз• :: العيادة البيطريه-
انتقل الى: